في شغله من زمان تقرقع بقلبي وقاهرتني وباطه جبدي
لكن الحين تفرغت لها
بغيت اسئل كل واحد فيكم
في عرس كويتي مختلط؟؟؟!!
انا الصراحه مابعمري شفت الا بالمسلسلات
المشكله هالسالفة قديمه مو توها طالعه
تقريبا اكثر المسلسلات الي فيها مشاهد اعراس تلقى العرس مختلط
من تشوفهم تقول هاذي قعدة سكر وعربدة مو عرس وانتو بكرامة
وانا طلعت لكم بعض هالمسلسلات والمشاهد الي فيها
وببدي بالمسلسلات القديمة
مسلسل الاقدار
مسلسل درب الزلق
مسلسل درس خصوصي
مسلسل سليمان الطيب
والطامة الكبرى
المسلسل دنيا القوي
المشكلة هالمشاهد نشوفها بمسلسلات قديمه وجديدة
يعني والله ماقالو لا هذا غلط وصلحوه لا عادي وكملو على هالمنوال
مسلسلات قليله الي نشوف فيها العرس الكويتي الاصلي الحريم بصوب والرجال بصوب
والله شوهو سمعتنا العالم حسبالها صج احنا العروس عندنا جذي
يعني كافي مسلسلاتنا صارت هابطه وكل شي خايس حطو فيها
شوفولنا حل حق هالمصخره الي تصير
انا اطالب بمسلسل باب الحاره كويتي :>
بس خل يسمونه مدخل الفريج عشان يتماشى مع العيشه بالكويت لووول
انا حبيت اتكلم عن هالمشكله وابين وجهة نظري فقط لا غير.
----
شكر خاص لأصحاب الفيديوات باليوتيوب
42 comments:
فيه كويتي :))
الله يعطيك العافية حبيبي على موضوعك
وانا ارد عليك من نفسي وام ادري عن الباقيين
انسا التلفزيون اهم بس يصورون جذي علشان يقلدون الافلام المصريه
بس بالصج بالكويت عندنا في اضييييق الحدود
يعني انا لو اقول لك اني بحياتي حضرت فوق ال 500 عرس ولا اعرف اشكثر وساعات يكونون عرسين وثلاثة بنفس اليوم
اندعيت مرتين لعروس مختلطة واحد بفندق والثاني في بيت (طبعا قصر مو بيت مثل بيتي وبيتك ) بس اعتذرت لاني ما اتقبل هالفكره بالكويت ولا اتخيل او احب اشوفها
بس بوضح لك انه اصحاب هالعروس يكون فيهم اساسا عرج غير كويتي من زمان ووللحين فيهم الي حتى ما ما يتحجون كويتي عدل فتلاقيهم يتحجون انقليزي مكان العربي
او انهم وايد متحررين وعبالهم انه هالشي صح..ماكو وازع ديبي او اجتماعي ويكون عندي كبار البيت فلا تشره على الصغار...واللي يعيش ياما يشوف
وسلامتك وتعيش
وماكو على درب الزلق اولا واخيرا :)
مممممم
في بيوت أعرفها عروسهم من كبيرهم لي صغيرهم كله مختلط بس يمكن متعودين على هالطبع فماتلقى المصخرة و التفسخ الزايد ... و حاله كحال أي عرس رقص و غناوي و فيه كوبل دانس و كويتين و نيادة بعد لا فيهم عرج و لا يحزنون
بس شخصيا ما أفضل هالعروس مولية أحس ماكو حيا و الله يستر على الجميع
:)
Bu Jassem :
الله يعافيك حبييب
شوف التلفزيون الحين قام يستغل استغلال خاطئ بدال لا يروون الناس ان الكويت شعبها طيب واجتماعي لكن فيه سلبيات قليله
قمنا نشوف المسلسلات تبين الاخطاء كلها وتزيد وتغالي فيها
يااخي ماادري شلون واحد يعزمني على عرس مختلط واشوف اهله واتعرف عليهم !!!!
يااخي انا انحرج لما يقولي اشلون اهو ؟
ياأخي وين الغيره على الاهل
الله يشافيهم انشالله
سدرة العشـــاق :
هاذي مو من اطباع الكويتيين يا سدرة ولا من طبع المسلمين
حتى لو ماكو مصخره وتفصخ هذا من الاساس غلط مو من شيمنا
حلوه من سدرة
كويتيين ونياده !!!
ههههههه
ليش يعني النياده اهما الي محافظين على التراث والعادات والتقاليد !!
بس غريبه بالنسبه حقي .. انا ولا عمري سمعت عن عرس مختلط
واذا صج فيه .. سيده اقول هذيل مو كويتيين .. ما اعتقد كويتي يرضاها على نفسه
تدري شنو المشكله يا ديزازتر
المشكلة تواجه الي يدرسون بره مساكين
وانت عارف الحاله
الكل يقولنا هذي الكويت؟
والله كل الناس علبالهم الكويت جذي
اذكر واحد يقولي .. احنا ما نزوج واحد من الكويت لو شنو .. ولا حتى الي دايم يروحون الكويت !!
اصلا استغرب يوم تعرف علينا .. يقول والله كنت ماخذ فكره غير عنكم
الكل عنده صوره وااااايد شينه عنا .. وانت اكيد حاس فيها وصايرتلك مواقف معاها
بس لأنا احنا سكتنا عن هل مسلسلات ايام قبل .. زادو وزادو وزادو .. واذا ضلينا ساكتين .. بس غمض عينك وتخيل المسلسلات الكويتية سنه 2020 .. راح يضيق خلقك
ويعطيك العافيه
الوالد يقول لي
ان في عروس خلط
بالستينات والسبعينات
(:
وعلى طاري المسلسلات. انا ما اطالع مسلسلات عربيه إلا طاش ماطاش وقطاعي (:
حتى الحين اكو
اعرف وحدة مسويه عرسين واحد للحريم المتخلمات اللى ما يبون رجال
و الثانى خلط
بوجود والديى المعاريس و ربعهم
لوووووول
اما الاغلب
لما يدخل المعرس و يزفونه
ما يطلعون
لا و ينثبرون على العشا
ليش المعرس اللى يرضى ربعه و مو محارم مرته يزفونه الى داخل القاعه
شنو تصنفه؟؟؟
in my life time, I haven't been to such weddings!!! and about mosalsalat!!! bethemah ballah mino yaktebhom?!?!?! nas Kuwaitien o care about el imge malat el kuwait?!?! a'7af bs!!! '7alny saktah a7san!
قديما ما عرف ؟
الحين اي فية عندي وحدة من صديقاتي عرس اخوها و خواتها كلهم مختلط و رقص والمغنيين بالوسط من غير عازل ؟
دمت بخير
اهوا الحق ينقال اكو عروس مختلطة وكويتيين وعيال ناس كبار
بس الظاهر ما تنعزم عليها
:)
ما اعتقد نفس طقة دنيا القوي
بس ما اقدر اجزم انا ما ارووح وارفض اني اروح لهم
وللاسف في خرابيط تصيير اخاف ربي يخسف
فينا
بس شووف عادة 3 عرووس
عرس رياييل وعرس حريم وعرس خليطي صغير
والله اعلم
بس درب الزلق فلة هديت اللاب توب وقمت اطق اصبع ورقبة
:)
انا اسلم وامشي ماادري شيصير تالي
امبي فيديو سليمان الطيب موتني من الضحك لوووووول
وي كويتي تدري انه السالفه اصلا صارت عاديه
في ناس يقولوك المختلط كول اكثر
تخيل مره انعزمت على عرس العرس كان في حديقه
و مسوي مثل الاجانب تمشي العروس لي المعرس
يعني حركه
بس لانه اصلا هذيله فري فالي يسونه مايعتبر غير عليهم
تشوف الناس عادي حواليهم متقبله
و الي عزموهم هم يكونون متقبلين
الوضع الي ينحط بالمسلسلات تره صدقيني في منه صج
بس الفرق انه اهم يعرضونه على ناس ما تقبل الشي
ناس تشوف و تقول شالمصخره
و بعدين هم انه على اخر مسلسل في فنانين كانو قديرين
و طلعوو مو شي
فتستنكر الشي يطلع منهم
و شكرا
لوول اهم شي و شكرا تره
thanks alot friend
salamz...
Q8i_Blogger :
انا مثلك سمعت بس ماشفت وكنت اقول ياااخي جذب ماكو عرس مختلط لأني ماشفت ولا مره
--
والله عارف المشكله انا مره سألني واحد من الشباب قطري معاي بالجامعة قالي بسألك سؤال بس لا تزعل , قلتله قول , قالي انتو عروسكم خلط مثل المسيحيين !!!!
انا انصدمت قلتله لا يبا غلطاان ليش منو قالك هالحجي ,قالي اشوف كله بمسلسلاتكم عروسكم خلط, حزتها كان عرس ولد عمي بعد شهر قلتله يبا انا عازمك على عرس ولد عمي بالكويت تعال وشوف عروسنا..
اهو انحرج وقالي لا تزعل مني بس لأنهم ماخذين فكره خايسه عنا! ومواقف اكثر والله يابلوغر
يعقووبوو :
صدمتني والله يايعقوب !!
مثل الحاله انا مقاطع المسلسلات العربيه مااشوف الا المسلسلات الامريكيه
Prison Break , Lost , Heroes , Two and a half men , Day Break , Gossip Girl وبعد شكثر لووول
على نفسها جنت براقش :
مااردى من المربوط الا المفتلت يا براقش
Someday :
ناس واطيه ماتهمها اشلون الناس تشوف الكويت
q8i_blogger
ماقصدت شي بس يعني حبيت أبين إن ما فيهم عرج شامي و لا ايراني و لا عراقي و لا أجنبي ... لا أكثر و لا أقل
:)
bass :
مصخره والله
, يسلمووو
joy :
اصلن مااتشرف اني ادش هالعروس
اختربت الديره والله
Eng_Q8 :
يعني حضرت لهاذي العروس؟؟!
5roofa :
هاذي مصخره مو كول ياخروفه
انا الصراحه ماارضى هالشي يصير لي
يعني المعرس مايستحي يعزم ربعه على عرسه ويشوفون اهله يرقصون او بملابس العرس
خلاص الحين ماكو غيره والعياذ بالله
سدرة العشـــاق :
انا فاهم قصدج بس الظاهر بلوغر فهمج غلط :>
اي فيه وايد
كتير كتير كتير
اييي افا عليك
ذكرتك اليوم
كنت معزومه على استقبال طبعا لاعت جبدناا كل يووووووووووم
مابقا الله وكيلك الا استبال عزا و نخلص بسس
ولا تخيل وحده تسولف بكل ثقه تقول تصدقون بالعرس انا اقول حق ريلي فشله استحي ارقص شرقي قبال الريايل
ربعك و اهلك
ولا يسحبني و سوري على الكلمه يحزمني و يوقف يصفقلي و انا ارقص
و ربعه و اهلي يشجعوني
وااااي حدي انحرجت
:/
بالذمه شتوقلها انا احترمت نفسي ولا جان الجاي الي بيدي حذفته عليها و بعدين قتلها
اوووبس زلق من ايدي بالغلط لووول بس كانت وايد بعيده ما ترقع
مادري شصاير بالدنيه والله يا انا معقده يا الدنيه اختربت
slamz dear friend...
حمودي:
والله انا الحمدلله بحياتي ماشفت
5roofa:
لا ياخروفه انتي مو معقده اهما المعقدين
لأن حسبالهم هالتحرر اهو الزين واهو الشي الصحيح والكول واللي يسوي عكسهم معقد او متخلف
مو مشكله انا افتخر اني معقد اذا كانت هاذي نظرتهم
وهذا زوجها ياخروفه اسمحيلي بس ديوث مافيه ذرة رجوله
مااقول الا الله يستر علينا
اذا اهيا يت على العروس تهون شوي
اكره شي صار عندي المسلسلات الكويتية
من اشوفها ينقمت قلبي وتحترق اعصابي
المسلسلات شوهه كل شي .. و المشكله انه الرقابه بس على المشاهد المخله ..
المفروض اتصير في رقابه بعد على العادات و التقاليد .. و اشلون قاعدين يمثلونها ..
شوهوا سمعه البنات و الشباب حتى ارباب الاسر طالهم طشار ..
بعد تشويه لعادات و التقاليد .. يعني اهو تمثيل مثلوا عدل .. مو معقوله بعد مايعروفون الاصول و العادات :)
عرس مختلط ؟
المطاوعه و مانعين الإختلاط و محنا خالصين من هالمهازل الأخلاقية اللي قاعده تصير بسبب هالكبت هالمرة عرس مختلط ؟ بتصير الديرة سمردحة و الشرهة على الإعلام اللي شوه صورتنا و سوانا هيلق أمام اللي يسوى و اللي ما يسوى
Najmah:
المسلسلات شوهت كل شي بالمجتمع الكويتي صار المجتمع الكويت مجتمع هابط
ولازم بكل بيت في بويه وجنس
والبنات لازم كلهم يكلمون شباب
والابو يخون مرته
والام ماتدري عن عيالها
شهالمرض !!!!
الخيلاء :
المسلسلات الحين مو مثل قبل , قبل كانت المسلسلات تتكلم عن الاخلاق الحميده وان الولد لازم يحترم ابوه وامه ومن هالسوالف
الحين المسلسلات بس يبون فلوس ماهمهم شي ثاني
واذا على تشويه الكويت عادي بلعنه اهم شي عندهم الفلوس
عتيج الصوف :
اي والله كلامك عدل ياخي شوف نظره بعض الخليجيين لنا
مو مثل قبل , حسبالهم الحين المجتمع الكويتي مثل المسلسلات بالضبط
يااخي والله مصخره
الله يعطيك العافيه على اموضوع الاكثر من رائع :D
و يا ريت لو تكثر من مواضيعك الطيبه
One:
الله يعافيك حبيب قلبي
انشالله بحاول اشوف مواضيع جذي
غالب المجتمع الكويتي عروسه مو مختلطة
بس لا تنسى ان أكو كويتيين من أصول مختلفة وبعض هذي الأصول عندهم عادي العرس المختلط
فتى الجبل:
حتى لو يافتى الجبل المجتمع الكويتي مجتمع مسلم ,, والاسلام مايسمح بهالشغلات
عندي مداخله صغيره للاخ كويت دساستر بس لو اقترح عليك اسم احلى من مدخل الفريج مع كل احترامي لذوقك بس مو احسن انه يسمونه راس العاير؟ عشان يدش القلب بسرعه :|
تسلم على هالبوست الحلو :*
او والله هالسالفه باطه جبد الديره كلها مو بس انت الفكره الي ماخذينها عننا بالمسلسلات وايد خايسه او محرجه وصارلي كذا موقف بره الديره لما عرفوا اني كويتي اتحوشني اسئلة تفشل جذي بس شرد عليهم :| الله يجازي الي كان السبب
EarthQuaker :
افا عليك بس مانختلف احنا بالاسم لوول
اهم شي المضمون اذا تبيه راس العاير خلاص تم سميناه راس العاير لووول
الله يسلمك حبيب قلبي
اي والله هذا الي قاهرني ان الناس تاخذ فكره غلط عنا بسبت هالمسلسلات الهابطه
مانقول الا الله المستعان
والله انك صاج
خياس بخياس
بالله ابراهيم الحربي ليش ما باس بعد مرة وحدة
الله يلعن الفجر التعيس الخبيث
أسمي مسلسلاتكم مصورتنكم صورة بايخة
!
حتى لو نحن نعرف معدنكم
: )
لكن وين غيرة بعض المنتجين و المخرجين و و و عندكم؟
ترى الخير بعد عدنا .. مب بس عندكم
بس أنتوا بزيادة
!
و الغلط الرئيسي كله في المنتجين و الكتاب
و اللي ياكلها الشعب
ياا سلام لا لا لا ماقدر النيوو لوك عجيييييييب
امبي الكل يغير و انا ماعرف مره جربت بس عفسلي البلوق فوق تحت لووول
ادري بطقني احم بس يعني انشالله لي رديت عقب بقولك تعلمني مو الحين لمه ارد عشان افضه عدل
mwafag fe emte7anatek
salamz dear friend...
فريج سعود :
اي والله صدقت ابراهيم الحربي ماحترم كبر سنه ولا احترم الناس الي تشوف يترقص مع زينب العسكري
بداية مصخرة المسلسلات من فجر السعيد
|:| DUBAI |:| :
ماهمهم الكويت اهم ماعليهم يعبون مخابيهم بالفلوس
انتي يادبي تعرفين احنا شنو بس المشكله بالناس الي ماتعرف الكويتيين عدل
5roofa :
لووول احرجتي تواضعي ياخروفه
مايبيله شي سهل بس في شغلات راح تنشال ولازم تردينهم اذا بتغيرلين التصميم
لووول انشالله افا عليج حاضرين
صدقك
: )
|:| DUBAI |:| :
اي :>
LOL @ mad5al el fereeeeg
!!!!!
Desert-Roses :
قاعد ندور اسم مالقينا الا هذا لوول :>
Post a Comment