صارلي فتره ماكتبت شي لأني قاعد اشوف الاوضاع مو شي بالديره
فعذروني لهل قطاعه
المهم انا بوجه كلامي هذا لأخواني دعاة الاختلاط
واللي يقولون احنا دولتنا دوله ديموقراطيه ومالنا شغل بالدين
لدرجة ان واحد اتصل على برنامج الشيخ نبيل العوضي
وقال ان يرضى الخمر ينتشر بالديره والزنا ينتشر من غير زواج
بحجة الحريه والديموقراطيه!!!!!
المشكله اخوانا هذيله خلو كل المشاكل الي تصير بالديره وتفرغو حق الاختلاط
في فتنة بالديره هدو الفتنه وخلوها واهما الي يبون وحده وطنيه
بدال لا تطفون نار الفتنه خليتوها ورحتو حق الموضوع الي تشوفونه اهم من الكويت
والي اهو الاختلاط
الله يلعن هالاختلاط الي مستذبحين عليه وناسين ديرتكم
وعشان لا تقولون انا اخونجي والا من هالحجي
انا كويتي ماانتمي لولا حزب همي الاول والاخير الكويت
ومااشوف اي فايده من هالاختلاط
ومارضى اي احد من اهلي يدرس بالاختلاط
وهذا كلام اكثر الكويتيين
المهم انا ماابي اتكلم بهالموضوع واتعمق لكن بحطلكم مادتين بالدستور
واللبيب بالاشاره يفهم
مادة – 6
نظام الحكم في الكويت ديمقراطي, السيادة فيه للأمة مصدر
السلطات جميعا, وتكون ممارسة السيادة علي الوجه المبين بهذا الدستور.
نظام الحكم في الكويت ديمقراطي, السيادة فيه للأمة مصدر
السلطات جميعا, وتكون ممارسة السيادة علي الوجه المبين بهذا الدستور.
-----
هاذي الماده الي يتحاجج فيها دعاة الاختلاط
لكنهم نسو الماده رقم 2 :)
شنو تقول هالماده
مادة - 2
دين الدولة الإسلام،
والشريعة الإسلامية مصدر رئيسي للتشريع
دين الدولة الإسلام،
والشريعة الإسلامية مصدر رئيسي للتشريع
----------
الماده الثانيه تقول الشريعه الاسلاميه هي مصدر رئيسي للتشريع
-------------
تعريف التشريع
قيام السلطة المختصة في الدولة بوضع قواعد جبرية مكتوبة تنظم المجتمع وفقا للإجراءات المقررة لذلك.
قيام السلطة المختصة في الدولة بوضع قواعد جبرية مكتوبة تنظم المجتمع وفقا للإجراءات المقررة لذلك.
خصائص التشريع
هي انه يتضمن قواعد قانونية ، وكونه يصدر في صورة مكتوبة ، وأنه عبارة عن قواعد تصدر عن سلطة عامة مختصة في الدولة.
التشريع مجموعة قواعد قانونية .
يلغي أو يخصص التشريع السابق ، إذ سيكون تاريخ نفاذ التشريع اللاحق محددا بدورا بطريقة يقينية مؤكدة.
ومن خلال التشريع تعبر الدولة عن إرادتها في صياغة قانونية فنية دقيقة وبعبارات وألفاظ تؤدي إلى تلافي الكثير من الغموض والإبهام في تطبيقه في الحياة العملية.
التشريع يصدر عن سلطة عامة مختصة...
لا يتكون التشريع تلقائيا دون تدخل إرادة بصيرة واعية بل تتولى وضعه وصياغته سلطة عامة مختصة في الدولة
هي انه يتضمن قواعد قانونية ، وكونه يصدر في صورة مكتوبة ، وأنه عبارة عن قواعد تصدر عن سلطة عامة مختصة في الدولة.
التشريع مجموعة قواعد قانونية .
يلغي أو يخصص التشريع السابق ، إذ سيكون تاريخ نفاذ التشريع اللاحق محددا بدورا بطريقة يقينية مؤكدة.
ومن خلال التشريع تعبر الدولة عن إرادتها في صياغة قانونية فنية دقيقة وبعبارات وألفاظ تؤدي إلى تلافي الكثير من الغموض والإبهام في تطبيقه في الحياة العملية.
التشريع يصدر عن سلطة عامة مختصة...
لا يتكون التشريع تلقائيا دون تدخل إرادة بصيرة واعية بل تتولى وضعه وصياغته سلطة عامة مختصة في الدولة
------------------
خلاصة الكلام الكويت دولة اسلامية ديموقراطيه
وديموقراطيتها ماتتعدى الاسلام
والاسلام منع الاختلاط
والله على مااقول شهيد :)
13 comments:
الله يعطيك العافيه يا كويت دززتر بيض الله ويهك و جزاك الله الف خير على الموضوع الاكثر من رائع هذا
يا ويلك يا سواد ليلك على هل بوست
الحين ايوولك الوطنيين اهني .. الي بس اهما وطنيين والباجي طيور الظلام .. ويفججونلك التاريخ والدستور بس عشان يثبتون عكس الي قلته
انطر وتشوف
وتسعدني العوده
One :
الله يعافيك حبيبي و حياك بالبلوق
Q8i Blogger :
هالوطنيين الي تسولف عنهم يابلوقر اذا انت معاهم فأنت وطني واذا العكس انت عميل من الموساد
المواضيع الي يبونها تلقاهم اول الناس يصارخون
اما المواضيع المهمه ومايبونها تلقاهم يتصوخون من بعيد
وبعدييييين ايك ويقول هاذي حريه شخصيه كيفهم
واذا يبون ايوون يابلوغر حياهم الله فهم اخوان عزيزين
واذا قدرو يثبتون عكس الشي الي انا كتبته خل يثبتون :>
منطقهم عجيب ياخوي
يبون كل شي على كيفهم
وشوف ترى انا ماني متدين بس مسلم
واقر ان الدين اهو الصلاح
لكل ما هو اعوج
مشكور على الفيديو
لانك خليتني اشوف واسمع
شي خلاني اتأكد ان
الليبرل بالكويت اشد
انحلال من الليبرل بامريكا
تدري شنهي المشكلة
ان مسألة
" موضوع الاختلاط"
خذت أكبر من حجمها
وخصوصا وانه يبين إن في مواضيع ثانية
أهم وتخص شأن الكويت
انطفى نورها بسبب هالموضوع
ورايي
ان الانسان يجب ان يحاسب نفسه
حتى وان كان في مكان مختلط
يحاسب نفسه ,, يحاسب أقواله ,, يحاسب أفعاله
لأن هناك من يراه
وهو رب العباد
awal shay hatha maskeen wa sorry 3ala hal kelma '3aby !!!!!!!!! awal shay mako shay esma 7oryat !!!!! kel 7orya laha 7eedood ! metheel ma 9ar bel denmark! lish mo hathy 7orya ba3ad ! la wa hathy bara el kuwait !!!! bas fee shay esma eslam ely el kuwait wa '3ayer el kuwait ta7ta !!!!!! el deestooor egool 7ooray bas eb 7eedoood !! ana bacher aro7 athba7 wa7eed wa agool 7ooryah! '3ala6 keeleena ta7at e eslam wa thooooooma ta7t el destooor !
عزيزي q8 disaster
عندي تحفظ على "الاسلام ضد الأختلاط" لأن الفتاوي بهالموضوع بالذات كثيرة ومشتته و لو اردنا النقاش سنصل الى نقطة
اي أسلام تختار؟
مبدئيا ان مع الأختلاط
لكن اثارته في وقت سابق وتصوير البعض ان كل مشاكلنا و فسادنا سوف ينجلي بعودة الأختلاط
هو كلام انتخابي يراد به مصالح ضيقة نحن في غنى عنها
وذا كان يهمنا فعلا تطبيق الشريعة
فنحن احوج ما نكون الأن مع قرب الأنتخابات-انشاء الله- على التحلي بأدب الحوار و محاربة العصبيات القبلية
والفئوية الطائفية
ولاحقين خير على الأختلاط
أعذرني على الأطالة
تحياتي
bo rashed :
مانقول الا الله المستعان
Aldenya :
اي والله صدقتي وهذا اللي يقهر انها سالفه ماتسوى وعطوها اكبر من حجمها ونسوى المواضيع الاهم
loco :
عدل كلامك والله لكن الشكوى لله
يبون يخربون الديره على الحريه هاذي اللي يبونها
الله يستر علينا بس
اخي العزيز Eng.S :
الفتاوي واضحه هناك من حرم الاختلاط وهذا ماكو مجال لمناقشته
وهناك فتاوي حللت الاختلاط لكن بشروط اذا توافرت الشروط صار حلال الاختلاط
ومن اهم الشروط الاحتشام
وهذا للأسف مو الكل محتشم
--
اما عن كلام جمعية الاصلاح فهو طبعاً مايرضيني وماكان يفترض منهم انهم يقولون هالكلام
امبيه هذا الي داق حده قاضي
كل واحد يبي يفهم الديمقراطية على كيفه ونسو ان هذي دولة مسلمه قبل كل شي .. الله يعين !
Post a Comment